Sosializasaun Open Source, hala'o liu husi seminar ne'ebe realiza husi TOSC no ICT-TL, ne'ebe hetan suporta husi Ulumaroy Electronic (UE) no Vox Da Vinci Consulting Engineering. Objectivo prinsipal husi seminar ida ne'e para atu sosializa Open Source ba Komunidade sira, atu nune'e Komunidade sira bele hatene saida mak Open Source. TOSC, ICT-TL hakarak sosializa Software Livre (Open Source) ne'e ba povu, tamba durante ne'e ita hotu hatene uja deit sistema ne'ebe mak iha, maibe sistema ne'ebe ita uja ne'e pirata ka original ita nunka mais atu hatene.
Ulumaroy Electronic (UE) suporta orsamento $ 1500 US Dollar ba Timor Leste Open Source Comunity (TOSC) ho Information Comunication Technology Timor Leste (ICT-TL) hodi hala'o seminar nasional, kona ba Open Source atu nune'e komunidade sira bele hatene saida mak Open Source, tamba durante ne'e ita hatene uja deit sistema ne'ebe mak iha maibe ita lahatene katak uja sistema Pirata fo tusan bot ba ita. Seminar ne'e realiza iha Salaun Canossiana iha dia loron 25 Febreiru 2012.
Director Ulumaroy Electronic Adelino Nicolau Ornai iha dia 25/02/2012 hateten, Rajaun sira fo suporta ne'e tamba atu habelar informasaun ba sosiedade liu-liu ba estudante sira ne'ebe iha interese atu estuda open source no nia sistema foun atu bele facilita estudante sira para bele asesu ba teknologia ne'ebe iha. Tuir Director UE Adelino Nicolau Ornai katak, seminar ida ne'e labele para deit iha ne'e, sira prontu fo suporta nafatin tuir kapasidade ka kbi'it ne'ebe iha, maibe sira so fo suporta deit ba iha programa ne'ebe iha relasaun ho IT nian tamba sira nia parte kona ba IT.
Coordenador ICT-TL Guilherme Soares hateten katak, objetivo prinsipal husi seminar ida ne'e para atu sosializa open source ba komunidade sira atu nune'e komunidade sira bele hatene saida mak open source ida ne'e no saida mak funsaun husi open source ida ne'e, tamba open source ida ne'e hanesan kultura ne'ebe ita bolu hanesan kolaburasi, ita bele halo projeito hamutuk, suporta malu no mos oinsa bele dezemvolve sistema hamutuk, tamba durante ne'e ita halo tiha ona inisiativo iha open source ninian maibe seidauk ida resmi ne'e, ho seminar ida ohin ne'e ita bele haberan liu tan informasaun liu-liu ba ita nia komunidade, governo, sosiedade sivil, estudante, akademiko no vice sektor sira saida mak open source bele oferese ba sira.
Cordenador ICT-TL Guilherme Soares dehan, seminar ne'e hala'o tamba inisiativa husi rede ICT-TL no TOSC hamutuk no buka sponsor hodi realiza seminar nasional kona ba Open Source ida ne'e. Sosializasaun kona ba open sorce sei to'o iha Distrito, Sub Distrito, Suco no Aldeia sira liu husi rede ne'ebe iha ona mak hanesan rede ICT-TL no TOSC. Nia hatutan tan katak, ba maluk sira ne'ebe iha interese kona ba open source bele hamutuk ho sira iha Forum ONG Timor Leste (FONGTIL) ne'ebe kada sabadu halao treinamento gratuita no nakloke ba ema hotu.
Entertantu iha fatin hanesan Cordenador TOSC Eligio Moniz do Rego mos afirma katak, seminar ida ne'e realiza para atu fahe informasaun ba komunidade, estudante sira para bele hatene saida mak open source.
“TOSC hakarak sosializa software livre ne'e ba povu, tamba durante ne'e ita hotu-hotu hatene uja deit sistema ne'ebe mak iha, maibe sistema ne'ebe ita uja ne'e pirata ka original nunka mais atu hatene, ho nune'e mos sira uja deit kobra sharing mos buat ida ne'ebe mudah problema, maibe kuando uja pirata fo tusan ba ita, waihira uja barak ona to'o loron ida ema ne'ebe halo pirata ne'e nia mai husu oinsa uja tiha buat ne'e imi tenser selu, entaun se mak tenki selu buat sira ne'e, se enkuanto governo mak uja uluk entaun governo mak tenkiser taka hotu buat sira hanesan ne'e ho nune'e orsamentu ne'ebe iha tenki selu fali ba buat sira ne'e hotu, tan ne'e ami halo objetivo ida hanesan fo kedan konhesementu katak, sekarik iha buat livre tansa tenki uja pirata?
Buat ne'ebe durante ne'e ita hatene hela tansa mak ita lakoi koko?”. Sistema ne'e nia beneficio diak tamba gratuita, fo oportunidade para bele dezemvolve fali programa ne'ebe mak iha tuir ita nia trapsaun, ho nune'e ita labele selu fali ema husi nasaun seluk para atu halo programer, maibe bele fo oportunidade ba maluk Timor oan ne'ebe durante ne'e iha hela.
Abilio Caldas IT iha Parlementu Nasional hateten, nia participa seminar ne’e laos reprezenta governo maibe nia mos sai hanesan partisipante. Nia Caldas afirma liu tan katak, iha parte governo laos iha Parlementu maibe Ministerio Justica hahu tinan 2007 uja ona sistema Open Source, maibe Parlementu foin hahu no agora foin mak halo website ida ne'ebe uja sistema open source, kona ba lansamentu seidaun tamba hein desisaun final husi nai ulun sira iha Parlementu Nasional.
Entertantu iha fatin hanesan Cordenador TOSC Eligio Moniz do Rego mos afirma katak, seminar ida ne'e realiza para atu fahe informasaun ba komunidade, estudante sira para bele hatene saida mak open source.
Buat ne'ebe durante ne'e ita hatene hela tansa mak ita lakoi koko?”. Sistema ne'e nia beneficio diak tamba gratuita, fo oportunidade para bele dezemvolve fali programa ne'ebe mak iha tuir ita nia trapsaun, ho nune'e ita labele selu fali ema husi nasaun seluk para atu halo programer, maibe bele fo oportunidade ba maluk Timor oan ne'ebe durante ne'e iha hela.
Iha fatin hanesan Evanini do Santos partispante husi Institute of Business (IOB) hateten, tuir nia hare aktividade seminar ne'e furak no bele fo beneficio ba partispantes sira atu nune'e bele loke sira nia hanoin no sira bele konhese saida mak Open Source. Sistema ida ne'e fo beneficio liu-liu ba estudante sira husi fakuldade informatika, maibe lataka dalan mos ba estudante sira husi fakuldade seluk.
Iha seminar ne'e partispantes hamutuk 300 inklui konvidadu no mos komisaun organizadora. Partisipantes hirak ne'e komposto husi universidade idak-idak mak hanesan; UNTL, DIT, IOB, UNITAL, UNPAZ inklui mos komunidade balun.
2 comments:
Ami fiar maluk TOSC sira bele halo mudansa iha Timor.
espera ho komitmento doadores sira hodi ajuda sosialisaun open source nebe mak organiniza husi TOSC no ICTTL sei suseco iha tempo ohin mai no open source sei buras ba nafatin iha timor leste.