Dili - Sistema operasaun (SO) hugoos linux ne'ebe halo iha tinan kotuk no halo lansamentu iha 24/03/2012, iha Sekretariadu FONGTIL Cai-coli Dili, dezemvolvimentu hugoos linux ho buat ne'ebe mak falta, hanesan virtualbox, wine, aumenta buat barak ne'ebe sente iha Timor persija. Hugos linux nia vantajem barak, buat ne'ebe mak ubuntu laiha hanesan kodek atu loke musica, video maibe hugoos linux iha.
Idea hodi kria sistema operasaun hugoos linux, husi Hugo Moniz do Rego wainhira sei estuda (eskola) iha Semarang Indonesia iha tinan kotuk.
“idea ne'e husi hau rasik no hugoos linux ohin loron livre (free) ne'e mos hau mesak mak servisu iha kotuk, mudah-mudahan release tiha versaun primeiro 1.0 ho nia kode name ne'e bele, entaun ba oin bele iha ona komunidade ne'ebe atu kontinua dezemvolve hugoos linux ne'e ba oin,” dehan Hugo iha fatin lansamentu, 24/03/2012.
Hugo hateten, hugoos linux sei sai distro primeiro ba Timor Leste atu uja loron-loron nian no ba oin sei iha tan versaun foun, hanesan versaun programming, edukasaun (blankon education, ubuntu education) nune'e mos hugoos linux.
Nia (Hugo) dehan, hugoos linux sei servisu hamutuk ho Timor Leste Open Source Community (TOSC) tamba TOSC hanesan mahon ba komunidade open source hotu iha Timor Leste no TOSC sai hanesan motivasaun ida ba hugoos linux, nune'e mos hugoos linux sei kontinua nafatin to'o bainhira deit maske ho komunidade ne'ebe uitoan. Nia afirma liu tan katak, karik iha intervensaun ruma mak mosu husi parte seluk, Nia prontu hasoru ho buat ne'ebe mak nia hatene.
Lansamentu programa ne'e hetan partisipasaun husi presidente TOSC ho membros hotu inklui joven, estudante feto-mane husi universidade iha Dili.
5 comments:
DOKO LINUX IHA TIMOR...
Parabens Primo.... Avansa nafatin....GBU
Aldair Mota Alves
praben's Brow consege HUGO linux berhasil duni.
haburas no haklaken programa open source ba gerasaun foun agora hodi nia nunee ble ble buras di liu tan..amo fo jempol ba ita boot nia hnoin ida ida ne...avansa bro..