TOSC ho FHD Organiza Seminariu & Workshop "ICT for Woman"

Foto hamutuk -Workshop ICT for Woman iha ETDA Fatuhada

Timor-Leste Open Source Community (TOSC) hanesan organizasaun husi Professionais, Estudante no Juventude sira nebe'e iha komitmentu atu partisipa iha dezenvolve Timor-Leste liu husi meius dezenvolvimentu rekursu umanu no buka solusaun ba aplikasaun Technologia hodi responde ba nesesidade & interese husi sosiedade no Governo Timor-Leste.

Fundasaun Hakbi'it Dezemvolvimentu (FHD) hanesan organizasaun ida nebe ativu iha prosesu dezemvolvimentu liu-liu hasae kapacidade iha area Informasaun no Teknologia hanesan oferece treinamentu ba iha Juventude no Igreja iha Diocese Baucau no Diocese Dili. 

Misaun husi TOSC no FHD maka atu partisipa ativamente iha dezenvolvimentu industria ICT no Software Livre iha Timor-Leste, hanesan fator importante hodi kria kampu empregu no hanesan seitor ida nebe'e mak bele kontribui ba hasa'e rendimentu ekonomiku nasaun nian.

Hodi haforsa Misaun no Visaun husi TOSC no FHD maka'a organizasaun rua ne'e hakarak organiza eventu Seminariu ho nia topiku “ ICT for Woman” hodi selebra loron 12 de Novembro eventu ne'e halao iha dia 09 no 10 de Novembro 2012. Seminariu ne'e atu sosializa oinsa sira nebe gosta aprende ICT atu sira bele involve ativa iha prosesu dezemvolvimentu ICT iha Timor Leste, tamba durante ne'e ema hatene katak ICT involve liu ba mane maibe Timor Leste iha feto barak mak involve iha ICT maibe sira maka la ativu ho ida ne'e maka ami organiza eventu ida ne'e atu enkoraza feto atu ativu iha prosesu dezemvolvimentu ICT iha area hotu iha Timor Leste.

Iha loron Sexta, 09 Novembro 2012 - Seminariu ICT for Woman halao iha Timor Plaza hahu iha tuku 13:00 loraik no partisipa husi Feto sira nebe iha Universitariu no Escola Secundaria quase  besik atus ida resin (100) nebe partisipa ho intusiasmo hodi rona esplikasaun husi orador sira.............

Iha loron Sabado, 10 Novembro 2012, Kontinuasaun ho Workshop iha ETDA Fatuhada nebe partisipa husi Inan Feton sira quase tolu nulu resin rua (32 Pessoas) iha workshop ne'e treinador sira lori topiku 3 mak hanesan:

1. Basic Internet
2. Online Marketing no
3. Personal Branding

Iha workshop ne'e rasik prezensa mos husi Sr. Joaquim Freitas (Asesor Primeiru Ministru Asuntu Social

Sr. Joaquim Freitas-entrega certifikadu ba partisipante sira.

Lia menon badak nebe Sr. Joaquim hameno katak "Ho treinamento ne'e mesmo que loron ida deit mas bele benificia no sai experiencia ba partisipantes sira hodi buka servisu iha futuro". Obrigado barak ba Sr. Joaquim Freitas nebe suporta ona aktivitade ida ne'e no bele realiza ho succesu.

Mak ne'e deit update Informasaun badak kona ba Seminariu no Workshop ICT for Women nebe organiza husi TOSC ho FHD.

TOSC sei organiza fali eventu hodi celebra tinan ida TOSC hari'i eventu ne'e ho naran "ICT Camp 2012".

Ikus liu leitores sira bele akompanha nafatin Informasaun husi weblog ida ne'e.

Obrigado