DILI – Ministerio Edukasaun sei distribui komputador 606 unit, Printer ida, Scanner ida ho wireless Access Point ida no sei halo instalasaun rede lokal ba iha kada centru ensino baziku total 202 iha teritorio Timor laran tomak nebe nia sistema operasaun uja software livre (LINUX - Edubuntu). Objectivo fahe komputador nee atu hadia servisu profesores sira nian iha centro no kada centro ida sei hetan komputador tolu. Komputador tolu nee fasilita ba Direitor Eskola, Vice Direitor no parte Administrasaun nian.
Komputador 606 unit nebe oras nee dadaun rai hela iha armagen Ministerio da Edukasaun nian sei distribui ba iha Centro Ensino Baziku para atu hadia profesores sira nia servisu iha kada eskola ensino baziku iha teritorio Timor laran tomak nunee mos atu implementasaun ICT iha kada eskola, Chefe departementu IT Azildo Almeida kasu lia hirak nee iha nia knar fatin Ministerio da Edukasaun Vilaverde Dili, 23-01-2013.
Tuir Chefe departementu IT Azildo Almeida katak, atu implementa ICT iha kada eskola maibe sei hadia uluk enviromentu ICT iha kada eskola. “Agora dadauk iha ona planu atu halo instalasaun rede lokal iha centro, tamba iha distrito anivel distrital iha tinan kotuk ba la'o tiha ona I oras nee fokus fali ba kada centro ensino baziku. I iha tinan kotuk ba iha kada eskola tekniko profesionais sira kada rede loka iha ona maibe hau hanoin nee sedauk masimu persija suporta nafatin,” dehan Azildo.
Azildo Almeida hateten, komputador nebe mak sei distribui ba kada centro ensino baziku 13 distritos iha teritorio Timor laran tomak hamutuk 202 centro ensino baziku, kada centro ida hetan komputador tolu no komputador tolu nee atu fasilita ba Direitor da Eskola, Vice Direitor no parte Administrasaun nian.
Entretantu komputador 606 unit nebe atu distribui ba iha kada centro ensino baziku iha 13 distritos nee uja sistema operasaun software livre (LINUX – Edubuntu). Rajaun uja sistema software livre (LINUX) nee tamba livre husi virus no hamenus custo orsamentu, tamba nia aplikasaun ita la hasai osan lori sosa maibe bele download deit iha internet gratuita, dehan Azildo. Aleinde nee sira mos sei fo treinamentu ba utilizador komputador sira nee kona ba oinsa atu uja sistema Linux hodi servisu tamba durante nee profesores sira konhese liu mak sitema Microsoft Windows no kona ba Linux sira sedauk iha konhesementu, Azildo afirma. Nia hatutan tan katak rekurso umanu nebe oras nee dadauk M.E iha total nain 6 deit iha departementu IT nian no sira prontu atu servisu hodi halo instalasaun rede lokal no fo treinamentu ba profesores sira iha kada centro ensino baziku iha teritorio Timor laran tomak. Treinamentu nee sei hahu husi distrito Lautem hafoin sei remata iha distrito Oe-Cusse, Azildo akresenta.(Charlez)
6 comments:
hau Fiar katak ho fasilidade komputador nee bele fasilita ita nia alin estudante atu estuda komputador no bele aprende sistema operasaun LINUX Free Open Source Software (FOSS)
vizaun nebe kapas wainhira M.E rasik mk iha inisiativu uluk atu hadia sistema iha edukasaun nia laran.
Abracos
hau hanoin kapas tebes tamba Ministerio Educasaun iha hanoin diak atu dezemvole Open Soure iha Sistema ninian tamba ne'e sei lagasta kustu ba manutensaun ba sistema ne.....iha parte seluk mos tuir hau nia hare Ministerio Educasaun mos sei sai hanesan lalenok ida ba Ministerio sira seluk atu bele banati tuir.....
Ideia nebe diak tebes, hau hein no fiar katak ida ne'e sei bele realiza. Tamba liu husi dalan sira hanesan ne mos bele motiva professores no studantes sira atu bele accesso liu tan kona ba saida mak acontese ha mundo ida ne, no bele facilita sira nia servico atu nun'e bele sira bele servico ho effectivu. Espera ministerio educasaun mos sei responsabiliza ba treinamentu bazico ba computadora no manuntensaun nebe sei fo ba professores sira nebe ladauk hatene didiak atu uza computador sira ne. Se fo fahe tiha ba mak professores sira la uza ho razaun katak la hatene..entaun buat hirak ne sei sai att no la bele uza tiha deit.
Furak tebes ho sistema operasaun Linux....................
furakkkk iha hnsane mak uja sisco krk furak para mate...!!!