Dili, 10 de Agosto 2013 Timor-Leste Open Source Community (TOSC) fo treinamentu gratuita kona ba Free & Open Source Software (FOSS) ba Centru Juventude Bidau. Juventude nebe kompostu maioria husi Estudantes nebe iha area Bidau hetan vizita husi Team TOSC nebe oferece treinamentu Linux ho ninia aplikasaun sira seluk ba Juventude sira.
Materia ba treinamentu mak hanesan tuir mai ne'e:
1. Instalasaun Linux
2. Aplikasaun Multimedia
3. Aplikasaun Rede/Networking
Juventude sira orgulho no interese teb-tebes atu aprende liutan Linux ho ninia distro sira seluk tuir ida-idak nia hakarak, sira mos husu atu treinamentu ne'e sei la para maibe bebeik atu Juventude sira bele kapacita sira nia-an ho matenek oin-oin kona ba Sistema Operasaun iha Komputador.
Mak ne'e deit informasaun badak husi Aktividades nebe Timor-Leste Open Source Commuinity (TOSC) sosializa atu Software alternativus hanesan Linux ho distro sira seluk-seluktan bele kuinecidu iha Timor-Leste no sei iha utilizador barak liu tan atu nune'e ita hotu bele hamenus kusto ba sosa sistema operasaun no aplikasaun sira nebe ita uza iha komputador.
Ho Software Livre bele hadook mos ita husi Virus, Trojan, no seluk-seluktan nebe bele estraga ita nia komputador.
PARABENS ba Maluk Sira nebe uza ona Software Livre....Obrigado
7 comments:
So TOSC duni..
Good work!
Joventude sira hanesan ne'e maka gerasaun foun ba futuru foun nasaun Timor-Leste.
apresia tebes ba TOSC nia aktividade sira durante ne'e.
Viva TOSC aluta kontinua
ami juven Bidau senti Kontenti bainhira tuir treinamentu software free mai iha ami nia bairro,...obrigado ba maun Eligio, Ruben, Ateko Roi ne'ebe to'o iha ami nia bairro Bidau Toko Baru,....
viva TOSC aluta kontinua,...
forca TOSC
Apresia bo'ot tebes ba TOSC nia objektivu bo'ot nebe atu hari'i Timor-Leste ho teknologia open source